Shkolla e MagjistraturësNë kuadër të bashkëpunimit me Prezencën e OSBE në Vienë, po zhvillohet një aktivitet trajnimi njëditor mbi “Qasjet e Përqendruara te Viktima ndaj Dhunës me Bazë Gjinore në Sistemin e Drejtësisë Penale”, për kandidatët për magjistratë të vitit të tretë në Shkollën e Magjistraturës.
Kursi i trajnimit është pjesë e projektit rajonal të OSBE-së "Përmirësimi i Kapaciteteve të Drejtësisë Penale për Luftimin e Dhunës me Bazë Gjinore (GBV) në Evropën Juglindore", i cili është zbatuar që nga viti 2021 në Shqipëri, Bosnjë dhe Hercegovinë, Mal të Zi, Maqedoninë e Veriut dhe Serbi. https://projects.osce.org/JusticeInCombatingGBVinSEE
Aktiviteti trajnues synon të forcojë më tej kapacitetin e gjyqtarëve dhe prokurorëve të ardhshëm për të trajtuar rastet e dhunës me bazë gjinore në mënyrë efektive, duke mbështetur njëkohësisht një qasje të përqendruar te viktima dhe të informuar mbi traumën. Trajnimi i kushton rëndësi të veçantë përmirësimit të të kuptuarit të dinamikës dhe ndikimit të dhunës me bazë gjinore, duke përfshirë edhe metodat e të mësuarit me përvojë, siç është një shfaqje teatrale.
Aktiviteti bazohet në kurrikulën e OSBE-së mbi Policimin e Dhunës ndaj Grave dhe Vajzave që Përgjegjësohet ndaj Perspektivës Gjinore, e cila midis viteve 2023-2025 u është ofruar punonjësve të zbatimit të ligjit, prokurorëve dhe gjyqtarëve përmes kurseve të specializuara, falë një partneriteti të fortë me institucionet në Shqipëri.
